قصيدة عصفور.. زجل لبناني

عصفــور شــايف هـالدِّني جَنِّــة/ي
       عَيــن البــراءة بتقشــع الصُّــورة
يُرقُــص على الأغصــان و يـغنّي
          و يـــغازل بتحنـــان  عصـفــــورة

قَـــلا  يـا حلــوة كثيــر متمنــي
           دوري معـي الأنهـــار و بحــورا
متلـي على النســمات بتجنـي
          نركَــب  ســوا و نــروح كــزدورة

قالــت معــك رح  روح مـع إنــي
        بلمَـــح  بِ هالمشــوار الخطــورة
و لمــا يا حُبّــي  تكـــون متهنــي
        روحـــي بســعادة تكــون مغمـورة

و بيــن الشّــجَر صــياد مســتني
           نَفســُو بحَمِــل السـلاح مغـرورة
لحظــة ما بيــن الصّـوت والكَنِّــة/ي
        صـَـوَّب ... إذا الريشــات منثــورة

و لمــا انمحـى السـكوت بالرَّنـِـة/ي
        هَــــدَّت بحَـــدو تصيــح مذعــورة
ضَــربُــو إجــا الصَّــياد لَ يثَنِـــي
       قــلا اهــرُبــي لَ بعيـــد معــذورة

رَدت  بِ صــوتَا دمــوع مـــع أَنِّـــة/ي
       اتــرِكني بِ جَنبَــك موت مسـرورة
بَلكـي البَشـر ...  يِتعلمـــوا مِنــي
       معنــى الـــــوَفا عَ إيــد عصفــورة

جميل نتمنى العديد من المشاركات اخى الكريم ودعوة الاصدقاء للتسجيل