الارجوز .................. للشاعر الكبير / رضا أبو الغيط

الارجوز
$$$$$$$$$$$$$$$
اراجوز متعود يتنطط
علي خلق الله
وتملي بيشتم وبيغلط
ف اصحاب الجاه
اراجوز تعبان وماهوش انسان
مربوط ف حبال ف ايدين اندال
وفاكرها حياه
اراجوز ومخاوي ومتاوي
في سكته دجال
في لسانه بيمدغ كام فكرة
اصلها عجباه
وفاكرها شطارة انه يقطع
في عباد الله
اراجوز مسكين وبقاله سنينين
بيقول لله
بهدوم دمور عامل أمور
ويعاكس من غير اي حياه
والناس بتقول أدي الأراجوز
لحظات وهيدي الناس بالجوز
اصل الأراجوز ده كان محظوظ
كده يا ولداه
انا قلت اصاحبه وألاعبه
يمكن م يفوق
اترىه مخنوق من ناس واصله
بتبص لفوق
مربوط بخيوط كانت دايبه
واعصابه ياناس كانت سايبه
ويا حول الله
لابس طربوش احمر منه
وعامل لي اصغر من سنه
اكمنه بيرقص كالعقرب
والعقرب كان اجدع منه
وماقالش الآه
أراجوز وبيضحك ع الفاضي
وبعيشته ما هوش ابدا راضي
قدام الناس عمال قاضي
واتاريه مخبول وكمان مهبول
كده يا ولداه
كان فاكر انه بيخدعنا
وكلامه داخل ف دماغنا
اتاريه مش حاسس بجروحنا
وللا عمره حس بأوجاعنا
منه لله
أراجوز كان عامل علامه
وبيوعد سلمي بسلامه
اتاريها خيبه وندامه
والكل اهو تاه
اراجوز كان حافي بدون شبشب
وعمال لي انه الواد لبلب
وهيضرب عنتر ويبعتر
كام زعتر يمكن يوم يكسب
اتريه اتبعتر واشعتر
والسجن تواه
أراجوز مصنوع من خشب ابيض
مايساوي حتي تلت أبيض
كان ناوي يحاوي ويخاوي
عفريت مش لونه قمحاوي
اسمر ومربع ف الأبيض
بالكرسي غواه
&&&&&&&&&&&&&$&&&
رضا ابوالغيط