وبســتناك ــــــــ بقلم قطب صلاح رمضان الشريف

وبســتناك
ــــ
ولساني هناك واقف
وبستناك
عشان تروي لي أشواقي
وتهديني طريق النور
لإمتى يا صوتي توجعني
وفي حلقي تعيش مبحوح
وليه يبقى الجناح مكسور
وانا ويّاك
ومستنيك يا يوم فرحي
تمد إيديك تزيل جرحي
يا رب يا ربنا المنان
وفيك انت الأمل واسع
أعيش في الدنيا دي إنسان
وأسمع ضحكتي بنفسي
ويسمعها معايا الناس
واصاحب صاحبي وزماني
بلاش موتي وانا عايش
لإمتى يا صوتي توجعني
وفي صدري تعيش مبحوح
وليه يبقى الجناح مكسور
وانا ويَّاك
ومستنيك يا يوم فرحي
تمد ايديك تزيل جرحي
وتنفخ في فؤادي الروح
يهون جرحي
يعود فرحي
ــــ
بقلم
قطب صلاح رمضان الشريف