إضحك بقلم الشاعر قطب صلاح رمضان الشريف

إضحك
ــــ
إضحك في ساعة وجع
وافرح في وقت الأسى
قول للي فات لو رجع
إن اللي كان اتنسى
عدي الهموم عدي
خليك جبل شيّال
لو بال بيوم انشغل
مات في الغرام موَّال
يا بكره راح تمضي
هدي الخُطا هدي
الخوف شيطانه رهيب
يملا الخيال والنفس
والليل هسيسه دبيب
بين السكون والحس
القلب لما يشيل
فيه الأمل فلاح
موصول بصبح جميل
والمرسى نور ورباح
إضحك في ساعة وجع
وافرح في وقت الأسى
قول للي فات لو رجع
إن اللي فات اتنسى
ـــ
بقلم
الشاعر قطب صلاح رمضان الشريف