عمي بيرم .....................ز الشاعر الكبير / رضا أبو الغيط

عمي بيرم كان امير
حرفه دايما كان خطير
قلبه فاتحه للجميع
للصغير........ والكبير
كان يشيل هم الغلابه
كان يحارب ف الديابه
ناسي ان زمانا آسي
والحياه.... تشبه لغابه
عاش حياته دي ببساطه
كوز درا.... وزرين بطاطا
بس شعره اللي ف حياتنا
نخل طارح ميت سباطه
عمي بيرم اصله منا
كان معانا فين ما كنا
لو ف يوم الدنيا ضاقت
حرفه كان يمسح عيونا
كان بيكتب ع السواقي
فوق خطوط ارضي الشراقي
عمي بيرم فات حياتنا
بس شعره لسه باقي
لسه فاكره مش ناسيه
حتي شعري كاتبه فيه
مهما طال.... العمر بيا
حلمي اوصل ..بس ليه
&&&&&&&&&&&&&&&&&&&&
رضا ابو الغيط
Image may contain: 2 people, text