وقالى قبل ما يسافر / السيد محمد صابر

وقالى يا أمى أنا مسافر
أجازتى الجاية ألاقاكى
بتوب الصحة والعافية
وحبيبتى بهانة وياكى
هاتلها ياأمى شبكتها
وزيدى الزينة فى ليلتها
دا هى الحلم يا أمايا
وفرحى تمامه فرحتها
وأنا وبهانة بالفستان بنستناك
ترجع يا أبنى بسلامة
كان ماشى وقالى ألف سلام
وباس ايدى وخدودى
قالوا النهارده أبنك مات
رصاصة غدر وخيانة
بتنهى الحلم والفرحة
بأيد خسيسة وجبانة
وأبنى راجع كدا فى صندوق
وعيش الحزن يا بهانة
=============
السيد محمد صابر