قصيدة تحيا امريكا

تحياامريكا
----------------
انا احسن واحد يتكلم
انا احسن واحد بيحلل
سياسه وثورات وحروب
احسن موقع ع النت
وليا على الفيسبوك جروب
انا اكتر واحد وطنى
بكره كل ماهوا نظام
انا حاقد على كل الدنيا
وبلعن كل الايام
واسخر من كل الاحلام
انا العلامه ف كل مجال
انا الناشط
انا سياسى
انا كام حركه وجمعيه
انا تمويلى من بره
انا العلمانى لكن
مفيش مانع
تكون دينيه سنيه
تكون ايرانيه شيعيه
تكون دوله مسيحيه
تكون حتى يهوديه
اهم حاجه تكون
دولارتها موجوده
شيكات او حتى نقديه
انا مش فارقه يبنوها..
يهدوها ..
يخلوها..
عربية فول وطعميه
ويدوا جنوبها للسودان
ويدوا شمالها للاخوان
وعملتها.. تبقى قطريه
ملابسها.. ماركه تركيه
وجوامعها ..وازهرها
حسينيه ايرانيه
ويحطوا يافطه على بابها..
وعنوانها ..
دولة مصر اليهوديه
وطظ فكل تاريخنا..
وحضارتنا..
وهويتنا العروبيه
اهم حاجه
يكون جيبى
معبى شيكات ونقديه
تكون عمله اوربيه
تكون شيكل..
تكون يورو..
او حتى روبيه هنديه
انا البوب اللى عاملينلى . .
هناك مقامات
انا القائد .. انا الفاهم..
انا اللى مفجر الثورات
انا الباحث عن الحريه
انا اللى عاوزها مدنيه
ودستورها..
يبقى علمانى
ويبقى الحبر المانى
يكون مطبوع فى واشنطن
يكون تغليفه فى لندن
يكون الجلد شيكابيكا
وبدل مانهتف .تحيا مصر
هنهتف تحيا امريكا
--------------
ابومهاود
محمد احمد حسن

مصر مستهدفه من الداخل والخارج وتوجد دول كثيرة تتآمر لاسقاطها ولكنها عصية عليهم بجيشها وشعبها