عتــــــاب ـــ بقلم قطب صلاح رمضان الشريف

عتــــــاب
ـــ
باعاتب نفسي من نفسي
وقلبي غريب
ما بين يومي وبين أمسي
وبين بكره اللي مستني
في حضن الغيب
وتيجي الفكره من حلمي
أقوم أبني
في حلم اليوم
ولمَّا الفكره تبقالي
باقول دي آخر المشوار
في رحلة عمري وسنيني
فهل بيها هاكون فرحان ؟!
واشوف البسمه في مرايتي
على وشي .. ؟!
أخاف أفضل غريب عايش
ما بين الآه وبين حيرتي
ودمعي في العيون مسجون
واعاتب روحي من نفسي
عتاب مبحوح
واعاتب دمعي من دمعي
عتاب مجروح
واعاتب سمعي من سمعي
عتاب مدبوح
وتنطق كل آلامي
وأحزاني
في قلب الجوف
عتاب قاسي بلا معنى
أنا خايف أعيش وحدي
ما بين الآهة والأنـّه
وحضن الخوف
ــــ
بقلم
قطب صلاح رمضان الشريف