يعني إيه كلمة وطن ـــ بقلم قطب صلاح رمضان الشريف

يعني إيه كلمة وطن
ــــ
يعني جندي بالعيون السمر
واقف ع الحدود
يعني ريحه من الجدود
يعني إيمانك بجيشك
هوه وطنك
معنى باقي للخلود
زي عملك أكل عيشك
الجنود تحمي اللي صاحي
واللي نايم
كل جندي غالي عندي
زي كنز
الجنود ثروه وعز
لو بتكره يوم جنودك
تبقى مش داري بحدودك
أو بأهلك
والشيطان يبقى صديقك
تكره البلد الأمين ..!!
تبقى زي عدونا
راصد لنا مليون كمين
إنت مين ..؟!
إنت مين من غير وطن ؟!
إنت جيفه بدون كفن
أو كلاب ملهاش سكن
إنت شئ ملعون أكيد
تبقى جاهل أو بليد
بس عايزك تفتكر
إن جيشك ضحى بالدم
اللي عمره ما كان
رخيص
لو هتنكر ..!!
تبقى فعلا مش معانا
ومش حسيس
وان أصلك كان خسيس
عُمْر ما يشوفك زمن
ولا حتى هتشوفك عيون
ولا يوم هتعرف
يعني إيه كلمة
وطن
ـــ
بقلم
قطب صلاح رمضان الشريف