منصوره يا مصر بقلم الشاعر قطب صلاح رمضان الشريف

منصوره يا مصر
ــ
منصوره يا أمنَّا منصوره
إنتي الأصل وانتي الصوره
وف قرآن ربنا مذكوره
منصوره يا مصرنا منصوره
ــــ
والله بنقولها بجدّ
وبنعلنها لأي حدّ
إحنا قصاد أعداءك سدّ
ولا هتباتي في يوم مقهوره
منصوره يا مصرنا منصوره
ــــ
جيل ورا جيل بندوس ونعدي
مهما كان المستحيل
جيل ورا جيل الصعب يعدي
مهما كان ليلنا طويل
إنتي ف أرض الله معموره
منصوره يا مصرنا منصوره
ــــ
خير جنود الأرض جنودك
دايماً على عهدك ووعودك
ومحافظه على مجد جدودك
وإديكي بالخير ممدوده
منصوره يا مصرنا منصوره
ــــ
إنتي النيل والأهرامات
إنتي إمام كل الحضارات
مذكوره ف كل الديانات
وولادك بالطيبه مشهوره
منصوره يا مصرنا منصوره
ــــ
مصر يا جنة ف أرض الله
حبك جوّه القلب صلاه
حضن أمان من فضل الله
إنتي بستر الله مستوره
منصوره يا مصرنا منصوره

إنتي الأصل وانتى الصوره
ــ
بقلم
الشاعر قطب صلاح رمضان الشريف